يا قلب لا تجزع

للحزن سلطة في قلوب المحبين
لا فارقوا من غير رجعة (حبايب)

يطول عمر الضيق بالصدر (ويبين
بالوجه) شيٍ من عطا الوصل غايب

اتلمح العبرات وتصرح العين
ويقول جرح الهجر مانيب طايب

لي كل يوم وخاطري ما غدا زين
وجه السعة فيني من الضيق هايب

عيشني الهجران حال المساكين
ويا كيف يزهد بآخر العمر شايب

أهج من حزني بضحكي على وين؟!
وملح الفرح في بحر الأحزان ذايب

ما من خروج يسار والا من يمين
هبت علي اشجان عمري هبايب

يردني عن موتتي وازع الدين
والا الحزن بالصبر ماهوب تايب

يا قلب لا تجزع من الصعب والشين
ضني بصبرك ما رجع يوم خايب

مأجور، درجها عسى ربك يعين
هذي هي الدنيا متاع ومصايب

للمبدع الشاعر/
فيصل الباهلي..