بوقالات رمضانية

[nina]

السلام عليكم و رححمة الله و بركاته

كيف احوالكم ان شاء الله بخير

[size=24]

اليوم جبتلكم بوقالات رمضانية تزين قعدتكم و تزهي سهرتكم كيما كانو في ايام زمان

ان شاء الله تعجبكم

بوقل ...انوي... و اعقد .. وشوف بوقالتك

1 - راني كالكوشة المبنية دخاني مابان وناري مقدية

2- السمرة يا سمرة يلي عايروني بيك نسمح في بلادي ونجي ليك

3- ثومة ياثومة أنا سميتك كلثومة وريلي في منامي يلي يحبني يولوكان في الحومة

4- إذ أنت بحر أنا حوت فيك وإذا أنت جنان أنا وردة فيك وإذ انت تبغيني أنا نموت عليك

5- ياواقفة بين عرفين شدي روحك لصيحي وبركاكي من عشق لثنين شد ي واحد
وروحي

6 خرجت بدر البدور يزعبل وطالق هدوك الشعور زادو في حالي نطلب من ربي العزيز ي يكتبها
في داري

7- جاز على باب دارنا يفصل في العكري قتلو ياشباب فصل على قدي قالي حتى تجي لعندي
نهديلك صور ذهب ونزيدلك قلبي


8- قاعدة أنا و وليد المير على حاشية البير ولي حب يغير يغير

9- يلي زايدة في عذ ابي في ليل نومك وفي النهار نترجاك أعطيني كلمة من فمك يرحم
يلي رباك
10- حرقست بحرقوس الذهب حتى الوذنيا باركولي يا جيراني سعدي ولا ليا .

11 شجرة على طرف البير واعراقها دلايا يما شفت الطير وجهو كي المرايا عليه القعاد تسير وعليه نطوي ثنايا

12 دخلت الى الدار ....لقيت خطابة في البيت ....شديت منديل وابكيت ...لكن في قلبي حبيت
13 قلبي على جمرة وقلب حبيبي على تمرة بعثتلو وردة حمراء قلتلو الخديعة مرة قالي والله ما نخدعك حتى نروح نعيا في المقبرة
14 ما نديها طويلة، سلوم راشي ما نديها قصيرة فكرون ماشي نديها مربوعة كي عالم الباي ماشي
15 الاسمر يا الاسمر يا شباب الحومة وشيبيك غضبان وزعلان علينا احنا ما نسى بلا بيك على وجه ربي راضينا وراضي علينا
16 قريب الرفيقة يا قريب الرفيقة بيني وبينك تويقة يا المخلي في قلبي شقيقة تروح وين تروح بصح تعيا وترجع ليا ونرد لقلبك الحريقة
17 ما نا كلش من جنان الجنة ولو يشهيني وما ناخدش الشيخ ولو يغنيني، ناخد الشباب بيض ولا سمر ...المهم هو اللي يملالي عيني
18 انت ساعة وانا رقاص فيك، انت خاتم وانا مرجان فيك نطلعو لراس الجبل والي تلحق بكري تديك
19 اعطاك الزين وطباعك حنة، كحل العين واتاك ....وردة في الجنبنة في يد اللي حداك يحفضك ربي من العوينةويخليك للي بغاك
20 شفت ثلث بنات في وسط الدار، الاولى قالت زهري محبوب والثانية قالت زهري مكتوب والاثالثة قالت زهري مع المحبوب انا خيرت دعوة الخير تشفع فيا وتنحيلي الدنوب

[/size]

[المشرف العام]