نكت جزائرية

السلام عليكم ورحمة الله وبركاته

1/ قالك واحد في حياتوا ما راحش لعرس وهو انسان نية بزاف واحد النهار عرضوه لعرس مطرطق يعني فور بزاف ايا
في العرس مول dj كان داير الغنية نتع ( هو السراق والله ما أنيا ) و كي
كان المغني يقول هو السراق مول dj ينقص للغنية والغاشي يعاود موراه والله
ما أنيا المهم بقاو هكذاك حتى خلاصت الغنية
السيد كي رجع للبلاد سقساوه صحابوا وش العرس مليح عجبك قالهم فور بزاف عجبني بصح
مول dj ما نعرف وش سرقولوا بايت يحلف فينا

2/ قلك واحد حابس عمرو لا هدر مع فتاة أيا راح لصاحبو وسقساه كيفاه.فقالو
صاحبو :لازم تكون تعرف تصيد ..أيا راح يحوس على الفتاة التي تعجبه عندما
وجدها رفد حجرة(بلوكة) وقايسها فإذا بالفتاة تسقط أرضا فهلع إليها جميع
الناس فتفاجؤا بالرجل الذي ضربها يقول لهم :بعدوا أنا لي صيتها اللول

3/قلك واحد مشي شباب راح يشوف روحو في المرايا فقالتو المرايا :نعتذر عن الصورة

4/قلك وحد المرة واحد حابس راح لفرانسا و بقى يدور حتى فات على وحد الزنقة و صاب فيها عرس سقسا تاعمن هذا العرس قالو واحد :
( je ne saie pas) أيا راح وفي الغد جاز على زنقة أخرى وصاب فيها موت وسقسا تاعمن هذا الموت فقالو واحد :
(je ne saie pas ) عندها قال : مسكين (je ne saie pas ) البارح تزوج واليوم مات

5/قالك
زوج جيران واحد غني و الاخر فقير. الفقير عندوا المصباح السحري كل صباح
يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا
اعطيني كاس الشاي. شافوا الغني و حسدوا على المصباح السحري و بغى يديلوا
المصباح قالوا نعطيلك الفيلا و السيارة واعطيني المصباح الفقير قبل
بالمقايضة . مسح الغني المصباح وخرجلوا العفريت قالوا شبيك لبيك كل شيئ
بين يديك قالوا بغيت فيلا على شاطئ البحر قالوا العفريت اسمحلي خويا نسربي
غير الشاي

6/واحد
الزوج كانو شاربين راهم يمشو فالليل شافو القمر ناضو يدابزو واحد يقول قمر
و لوخر يقول شمس سقساو واحد كان يمشي فالطريق قالولو واش هذا قمر ولا شمس
قاللهم والله غير اسمحولي انا ماشي منا

7/قالك واحد السيد تصور بين 2 حمير(حشاكم) وبعثها لصاحبته...وكتب تحتها ملاحظة "راني فالوسط"

8/واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة

9/واحد
فنيان يخدم في حانوت تاع الدجاج ( يبيع الدجاج حي) جات عندو وحدة و قالتلو
"شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو
تنوض "

10/التقى
كذابان أحدهما من القطب الجنوبي و الاخر من الشمالي فقال الاول:إن البرد
عندنا كثير لدرجة أن النار قد تجمدت فقال الثاني: أما البرد عندنا وصل الى
درجة أننا لا نسمع كلام بعضنا حتى نضعه في الماء الساخن

11/مرة واحد عرض صاحبه و حطلو العدس قالو
كول العدس فيه الحديد ايا مرة التاني عرض صاحبه
جابلو الحديد قالو كول الحديد فيه العدس

إذا أعجبتكم أي نكتة فأذكروا في ردكم رقم النكتة.... أتمنى أن تنال إعجابكم وإنتظروني في الجديد

=النملة والفيل

خطرة الفيل كان داير حفلة دعا كل الحيونات والنملة ايضا
كل المدعوين دخلو لعندو غير النملة كي سقساها اي عندما سالها لماذا لم تدخلي
قاتلو : كنت ندق بصح حتى واحد ما فتحلي الباب
قالها الفيل: كنت تدخلي من تحت الباب
قاتلو : حبيتني نخسر لا كوب نتاعي ؟
( لا كوب اللي دارتها عند الحلاقة ) اي مشطة الشعر

.................................................. ......................

اثنين
ساكنين في خيمة وراقدين على ظهورهم بالليل ناظر الأول للسما وقال للثاني
وش تشوف ؟ قال اشوف نجوم كثيرة.... قال هذا وش يدل علية ؟ قال الثاني : ان
فيه مجرات وكواكب غيرنا في هالكون . قال الأول هذا يدل ان سقف خيمتنا
انسرق ياغبي

.................................................. ......................

=مشحاح=

خطرة جارة شافت الضوء يجي ويروح في دار جارها
مشات تشوف واش كاين لقاتوا يقرا في كتاب وكي يقلب الصفحة يطفى الضوء

.................................................. ......................

قالك
مرة واحد ديما تسقسيه صاحبتو: واش تغديت? يقولها: لوبيا .ديما هكا واحد
النهار قالوا صاحبوا: اكذب شوي قولها تغديت شواء . كليت كفتة . تغديت
بيتزا .....
ايا
هذاك خدمتلوا قال و الله عندو الحق . الغدوى هذيك سقساتوا صاحبتوا: واش
تغديت ? قالها :بــيــتــزا قاللتلوا :واش مليحة (بنينة)? قالها : و الله
كليت 2 مغارف شبعت
.................................................. ......................
قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة

ايا
دارو عليه ولادوا وجابوا معاهم العصي عطا الشايب لواحد من ولادو 2 عصيات
وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى

وصل ل 9 عصيات
قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم
وقالهم: روحوا يا ولادي مدام معاكم الجحش هذا ما نخافش عليكم
.................................................. ......................
قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت
.................................................. ......................

قالك
هاذي ناموسة دور على واحد في الصيف تقلق فيه ايا ضربها طاحت داخت هزوها
صحاباتها دخلوها للعناية المركزة جابت 3 ايام و هي في غيبوبة كي فاقت لقات

قرلو(حشرة) بالقرب منها شاف فيها القرلو و قالها : واش فليت? (مبيد) قاللتلوا:لا لا . بشماق (حذاء)
.................................................. ......................

قائد الطائرة: آلو، برج المراقبة هل تسمعني؟
برج المراقبة: نعم كابتن، نسمعك بكل وضوح.
قائد الطائرة: كاين ثقب في خزان البزين وراه فرغ و نحن على إرتفاع 10 الاف قدم، واش نديروا؟
سكت اللاسلكي لحظات.. ثم:
برج المراقبة: كابتن، هل تسمعني؟
قائد الطائرة: نعم، بكل وضوح.
برج المراقبة: اوك، قول ورايا " أشهد أن لا إله إلا الله، و أن محمدا عبده ورسوله
.................................................. ......................

كان
يشاتي في الانترنيت مع فتاة قالها كيفاه اسمك كتبتلو فاطمة و حطت قدامها
وردة يعني (فاطمة الزهراء) هو واش كتبلها ......le pere vendredi (اسمه بو
جمعة)
................................................. ......................
قالك
زوج دخلوا للمطعم واحد غني و الخر فقير الغني طلب اكلة باللحم والفقير طلب
صحن من الفول ايا الفقير بدا ياكل بسرعة شاف فيه الغني و قالوا قول بسم
الله باش
ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول
مرة واحد كسول ألف في الساعة شاف قدامو قشرة وهو يمشي قال: ربي يعيني على هاذ الزلقة
---------------------------------------
واحد دخل للقهوة وقال للقهواجي: عندك قهوة باردة؟ يقولو: لا , زاد جاه
غدوة وقالو كيما المرة اللولة ورد عليه:لا, وعاد كل يوم يقولو: عندك قهوة
باردة؟ واحد النهار قال القهواجي: والله نوجّدلو قهوة باردة قبل ما يجي,
ومبعد ساعة جا الزبون وقال: عندك قهوة باردة؟ قالو: نعم, قال: سخّنها
وجيبهالي
---------------------------------
مرة عروبي شاف لوحةمكتوب عليها: مزرعة ابقار فسال صاحبها : كيف تزرعون الابقار!! فرد عليه نرش سكر على التراب وثاني يوم يطلع بقر
فاخذ الرجل شكارة سكر ورشها على الارض وثاني يوم راح يشوف البقر........ فوجد السكر عليه نمل
فقال:والله البقر وهو صغير شكله حلو
-----------------------------------

أفاقت الزوجة من نومها مذعورة فسألها زوجها مابك فقالت له حلمت أن رجلا
وسيما وغنيا قد خطفنى منك فقال لها ولماذا تبكين انه مجرد حلم فقالت له
ولهاذا أنا أبكي

هههههههههههههههه اضحك الله سنك خوي سفيااااااااااان شابين بزاااااااااااااف
اثنين
ساكنين في خيمة وراقدين على ظهورهم بالليل ناظر الأول للسما وقال للثاني
وش تشوف ؟ قال اشوف نجوم كثيرة.... قال هذا وش يدل علية ؟ قال الثاني : ان
فيه مجرات وكواكب غيرنا في هالكون . قال الأول هذا يدل ان سقف خيمتنا
انسرق ياغبي

» نكت جزائرية
» نكت جزائرية
» نكت جزائرية..............هههههههههههه
» نكت جزائرية شلفية
» نكت جزائرية مضحكة