منتدى القلوب الصادقة


 
البوابةالرئيسيةمكتبة الصوراليوميةس .و .جبحـثالأعضاءالمجموعاتالتسجيلدخولانضم إلينا في صفحتنا على فيسبوك

شاطر | 
 

 لماذا تدرس المراة

اذهب الى الأسفل 
كاتب الموضوعرسالة
اسفون
عضو فعال
عضو فعال
avatar





الجنس انثى
عدد المساهمات : 359
    : الدعـاء

مُساهمةموضوع: لماذا تدرس المراة   الجمعة 06 يناير 2012, 07:53

أول حاجة القراية حتى للقسم النهائي
أنا نعتقد بلي هاذ المرحلة من القراية ولات مهمة بزااااف و INDISPENSABLE في وقتنا هذا علاه :
- لأنو رانا في عصر التطور و عصر العلم
- و الطفلة اذا بقات امية في مجتمعنا ماعندها حتى معنى
- اذا جات تتفرج مثلا و فسدلها التيليفيزيون ماهيش رايحة تفهم و تريقلو اذا كانت امية
-
- اذا قعدت فالدار رايحة تضيع وقتها غير فالمسلسلات و الرقاد و تريح عمرها لي رح تندم عليه و رح تتحاسب عليه .. ّ"كلامي من الواقع"
- الحاجة المهمة ثاني أنها كي تقرا فالجامعة رح تتخرج بديبلوم و رح تقدر تخدم و الخدمة راني رح نهدر عليها مبعد
ثالث حاجة الطفلة دير اقامة و تبعد على دارهم
- طبعا .. مشي كل الفروع متوفرين فكل الولايات .. مثلا نأخذ مثالي أنا ( و أعوذ بالله من كلمة أنا ) ماعندناش DEPARTEMENT DE MEDECINE في خنشلة ألور لازم عليا نقرا في باتنة و هاذا معناه اني لازم ندير اقامة
تقولولي وعلاه ماديريش أي فرع و تقعدي تقراي في ولايتك .. طبعا كنت قادرة ندير هكا .. لكن أنا حبيت هاذ الفرع و ذرك نحكيلكم علاه كي نحكي ع الخدمة
- نطلب من الناس ينحيو هاذيك النظرة الي راهم يشوفو بيها لبنات الاقامة .. كيما كاين بنات ماهمش ملاح ربي يهديهم .. كاين بنات لي اوبليجي عليهم يديرو اقامة و يقراو بعاد على ديارهم لظروف ما كيما انا و عيمان هههههه
رابع حاجة علاه الطفلة تخدم
- كاين لي محتاجة و لازم تخدم باش تسد مصاريف العائلة مثلا ام لازم تصرف على اولادها اذا كانت مطلقة او ارملة او راجلها ما يقدرش يخدم او تخلى على مسؤوليتو ......
- كاين الطفلة لي تخدم باش ماتقعدش فالدار تودر وقتها .. مثلا لي ماهيش متزوجة وش تقعد دير فالدار مع المسلسلات و تودار الوقت فالزهر .. تخدم احسن .. خاصة اذا كانت خدمتها محترمة
- كاين مهن فالمجتمع لازم المرأة هي لي تقوم بيهم .. رح تتساءلوا واشي هوما هاذ المهن لي مايصلحوش للرجال
رح نمدلكم مثال بسيط و على نفسي لاني مانقدرش نهدر ع العباد
انا لوكان مادرتش طب .. مع احترامي لكل الفروع .. كنت رح نكمل اي فرع عادي و ندي ديبلوم من اجل انو يبقالي احتياط لربما نحتاجو في وقت الحاجة .. ونقعد مانخدم ما والو
اما كي خيرت هاذ الفرع .. لازم نخدم و نيتي من لي كنت صغيرة هاذي هي اني نولي طبيبة نساء
صحا قولولي يا ليجان .. لوكان تتزوج و تمرض مرتك .. وين تفضل تديها لطبيب ولا طبيبة ؟ و انتوما يا البنات كي تمرضو اريحلكم تروحو للطبيبة ولا للطبيب
هل من الممكن الاستغناء عن دور المرأة في الطب ؟
عمبالكم بلي كاين نساء يرضاو يموتو و مايروحوش لطبيب راجل .. و خاااااصة بعض الامرااااض الخاصة بالنساء دون الرجال .. ناهيك عن المرأة أثناء فترة الحمل .. و عند الولادة كاين حالات لازم يتدخل الطبيب ... يعني لو تكون مرأة طبيبة نساء أحسن .. بلا ماندخل بزاف فليديتاي .......
و إذا البنات حبسو القراية فالتارمينال شكون رح يداوي النسا تاعنا غير الرجال ؟؟؟
و اذا ما ضحاوش بنات من ولايات مثل ولايتي انا و دارو اقامة شكون رح يداوي نسا ولايتي ؟؟؟؟؟؟
على هاذا انا ضحيت و تحملت كل المشاكل لي وقفو في طريقي و درت اقامة و ادعيولي ربي يعاونني في قرايتي و ينجحني لانو راني حاصلة معاها ........
انا هنا حطيت تجربتي الخاصة و ليس ذلك تفاخرا او اي شيء آخر و لكن باش ننقلكم مثال حي من الواقع المعاش
و نوضح بعض الامور الغامضة و نحط النقاط على الحروف
...
عمبالي راني طولت بزااااااف بزاااااف وانا نحكي
تعرفو مازال عندي كلام نقولو مي معليهش راني اختصرت هههه
اسمحولي بزاااف ع الاطالة و نتمنى تقراو موضوعي
و تشاركوني بآراءكم
و تقولولي وين راني غالطة اذا غلطت


عدل سابقا من قبل اسفون في الإثنين 19 مارس 2012, 19:50 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسفون
عضو فعال
عضو فعال
avatar





الجنس انثى
عدد المساهمات : 359
    : الدعـاء

مُساهمةموضوع: رد: لماذا تدرس المراة   الخميس 02 فبراير 2012, 18:04

وينكم..........................
للامانة منقوول


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لماذا تدرس المراة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى القلوب الصادقة  :: الأقسام العامة :: منتدى اللهجة الجزائرية-
انتقل الى: